وەزارەتی دارایی و ئابووری حکوومەتی هەرێمی کوردستان روونکردنەوەیەکی لەبارەی وەرگرتنی پێشینەی هاوسەرگیری بڵاو کردەوە.

بەپێی نووسراوێکی وەزارەتی دارایی کە واژۆی ئاوات جەناب نوری، وەزیری دارایی بەسەرەوەیە تێیدا روونکردنەوە لەبارەی ئەو هاووڵاتییانەوە دراوە کە پێشینەی هاوسەرگیرییان وەرگرتووە و دواتر دامەزراون یان دادەمەزرێن.

وەزارەتی دارایی لە روونکردنەوەکەیدا کە ئاراستەی سەرجەم گەنجینەکانی کردووە، تێیدا ئەوەی خستووەتە ڕوو، ئەو هاووڵاتییانەی پێشینەی هاوسەرگیرییان وەرگرتووە و دواتر دامەزراون یان دادەمەزرێن بڕی پێشینەی ماوەیان کە پێش دامەزراندنیشیان بێت دەخرێتە سەر مووچەکەیان و بەپێی هەردوو رێنمای دارایی ژمارە 15 ساڵی 2016 و 5ی ساڵی 2018 وەرگرتنەوەیان دوا دەخرێت تا دەرچوونی رێنمایی نوێ.