بەرپرسێ‌ هێزا شنگال یا پێشمەرگەهێ‌ كوردستانێ‌ دیار كر هەڤركی دناڤبەرا پەكەكێ‌ و حەشدا شەعبی و گرۆپێن دی‌ یێن سیاسی دا ل شنگال هەیە لەورا ژی كۆنترۆلێ‌ ل سەر رەوشا شنگال ناكەن.


شێخ مجدل، بەرپرسێ‌ هێزا شنگال یا پێشمەرگەهێ‌ كوردستانێ‌ دیار كر: "هەر ئێك ژ حەشدا شەعبی و پەكەكێ‌ و لایەنێن دی یێن سیاسی ناڤ شنگالێ‌ دا دڤێت شنگال بۆ وی بیت. هەموو بۆ بەرژوەندیا شنگال كارناكەن بەلكو بۆ مەرەمێن خوە كار دكەن لەورا شنگال ئالۆزی دروست دبن. ئەڤ ئالوزیێن ل شنگال دروست بن بتنێ پێشمەرگەهێ كوردستانێ‌ دەمێ‌ زڤرتە شنگال دێ‌ چارەسەر بن. نۆكە ب شێوەیەكێ‌ بەردەوام خەلكێ‌ شنگال دخوازا زڤرینا پێشمەرگەهێ‌ بۆ شنگال دكەن".


خویا ژی كر: "ژبەر ئالۆزیێن ل شنگال خەلكێ‌ ناڤ چادراندا ل چیایێ شنگال ژی تووشی زۆر كێشەیان بووینە بتایبەتی ژی ئاڤ و كارەب وگەلەك كێماسیێن دی دروستبووینە. كەس نینە بۆ وان ل چیایێ شنگال چارەسەر بكەت.نۆكە دناڤ شنگالێ‌ دا هیچ كۆنترۆلەك نینە هەموو تشت هاتیە ژ دەستدان".












باسنیوز