ئەمڕۆ یەکشەممە وەرزی نوێی یاسادانان لە پەرلەمانی کوردستان دەستی پێکرد و بڕیارە لەم وەرزەی یاساداناندا حکوومەتی ھەرێمی کوردستان ١٦ پرۆژە یاسا دەنێرێتە پەرلەمان.

جەلال محمەدئەمین، بڕیاردەری لیژنەی یاسایی لە پەرلەمانی کوردستان رايگەیاند: "حکوومەتی ھەرێمی کوردستان بۆ جێبەجێکردنی ھێڵە گشتییەکانی کابینەی نۆیەم، حکوومەت پێویستی بە ھەمواری ژمارەیەک یاسا ھەیە تا بتوانێت ھێڵە گشتییەکانی کارنامەکەی جێبەجێ بکات".

ئەو پەرلەمانتارە لە فراکسیۆنی گۆڕان گوتیشی: "بۆ ئەم مەبەستە حکوومەت١٦ پرۆژە یاسا دەنێرێتە پەرلەمان بۆ پەسەندکردنیان".

جەلال محمەدئەمین گوتیشی: "لەم وەرزەی یاسادانانی پەرلەمانی کوردستاندا گرنگی بەو پرۆژە یاسایانە دەدرێت کە ئەنجومەنی وەزیران دەیاننێرێتە پەرلەمان و لایەنەکانیش لەسەر ئەم پرۆژانەی حکوومەت رێککەوتنیان ھەیە".










باسنيوز