به‌هۆی كێشه‌ی كۆمه‌ڵایه‌تییه‌وه‌ له‌ چه‌مچه‌ماڵ، هاووڵاتییه‌ك به‌ناوی (عه‌لی شه‌ریف ئه‌حمه‌د) پیشه‌ كاسب، كوژرا و یه‌كێكی دیكه‌ش برینداربوو.

به‌ گوێره‌ی زانیارییه‌كان: كێشه‌ی كۆمه‌ڵایه‌تی له‌ نێوان هه‌ردوولادا هه‌بووه‌، ئێواره‌ی ئه‌مڕۆش ده‌ستدڕێژی گوللـه‌ له‌ (عه‌لی شه‌ریف ئه‌حمه‌د) كراوه‌ و كوژراوه‌، هه‌ر به‌ هۆی ده‌ستڕێژه‌كه‌ كه‌سێكی دیكه‌ش برینداربووه‌، بكوژانیش بۆ شوێنێكی نادیار هه‌ڵاتوون.

راشیگه‌یاند: هێزه‌ ئه‌منییه‌كان گه‌یشتوونه‌ته‌ شوێنه‌كه‌ و گه‌ڕان و پشكنینیان به‌دوای بكوژه‌كاندا ده‌ستپێكردووه‌.