ئالان حەمەسەعید وەزیری پەروەردەی حکوومەتی هەرێمی کوردستان، لە کۆبوونەوەیەکدا لەگەڵ بەڕێوەبەرانی قوتابخانە ناحکوومییەکان لە شاری سلێمانی ڕای گەیاند بە جێبەجێکردنی بڕیار و فەرمانەکان لە کەرتی خوێندنی ناحکوومی دەکرێ هەلی کار بۆ شەش هەزار دەرچووی زانکۆکان بڕەخسێندرێت.

وەزیری پەروەردە لەمبارەوە لە لێدوانێکدا لەگەڵ کەناڵی )کوردستان ٢٤( گوتی: "ئێمە لە ماوەی ڕابردوودا بۆ ڕەخساندنی هەلیکار و جێبەجێکردنی یاسا لە قوتابخان حکوومییەکان لە هەرێمی کوردستان، بڕیارێکی وەزاریمان دەکرد و ئەمڕۆ بۆ ئەم مەبەستەش لەگەڵ بەڕێوەبەری باخچە، قوتابخانە و پەیمانگە ناحکوومییەکانی سلێمانی، هەڵەبجە، ئیدارەی گەرمیان و ڕاپەڕین کۆ بووینەوە و هەفتەی رابردووش ئەو کۆبوونەوەیە لە هەولێر بەڕێوە چوو".

لەو کۆڕ و کۆبوونەوەوانەدا ڕوانگەی حکوومەتی هەرێمی کوردستانمان بۆ خستەن ڕوو کە یەکەم پشتیوانی وپاڵپشتیکردنی کەرتی تایبەت لە بواری پەروەردەدا، بەڵام بە گوێرە و لە چوارچێوەی یاسا بەرکارەکانی حکوومەتی هەرێمی کوردستاندا بن، بەتایبەت یاسای ژمارە ١٤ی ساڵی ٢٠١٢و ڕێنمایی ژمارەی یەکی ساڵی ٢٠١٦.

ئالان حەمەسەعید گوتیشی: "لە تەوەرێکی دیکەدا ئاماژەمان بەوە کردووە ئەو بڕیار و فەرمانانەی کەلە وەزارەتی پەروەردە دەرچوون، پێویستە بە زووترین کات بۆ ئەمساڵی خوێندن جێبەجێ بکرێن کە بەشێکی ڕەخساندنی دەرفەتی کارە و هەموو ئەو فەرمان و ڕێنوێنیانەی لەلایەن وەزارەتەوە دەرکراون، ڕوونکردنەوەی پێویستیان لەبارەوە دراوە، هەرچەند بنەمایەکی یاسایی هەیە کە دەڵێت "هەڵاتن لە یاسا ڕێگەپێدراو نییە" واتە تۆ بنەما و ڕێوشوێنێکی یاسایی کە ئاگاداریشی نەبیت کە دەرکراوە، دیسان لەسەرت جێبەجێ دەکرێت، بەڵام ئێمە لە پررۆسەکەدا ئامانجمان چاکسازی و ڕەخساندنی دەرفەتی کارە و ئامانجمان ئەوەیە کەرتی خوێندنی ناحکوومی لە ەهرێمی وکردستان گەشەی زیاتری پێ بدرێت".

وەزیری پەروەردە ڕاشی گەیاند: "بە جێبەجێکردنی ئەو بڕیار و فەرمانانەی وەزارەتی پەروەردە لە کەرتی خوێندنی ناحکوومی لە هەرێمی وکردستان دەتوانێ دەرفەتی کار بۆ لانیکەم شەش هەزار کەسی دەرچووی زانکۆکانی هەرێمی کوردستان کە دانەمەزراون، بڕەخسێنێت و پێشمان ڕاگەیاندوون ئەمە بەرپرسیارێتییەکی یاسایی، ئیداری و نیشتمانیشە".












باسنيوز