باسنیوز وادەی ناردنەوەی پرۆژەیاسای چاکسازی بۆ پەرلەمانی کوردستان بڵاو دەکاتەوە.

پەرلەمان و حکوومەتی هەرێمی کوردستان لێژنەیەکی هاوبەشیان بۆ پێداچوونەوە بە پرۆژەیاسای چاکسازی بکەن و بینێرنەوە پەرلەمان بۆ پەسەندکردنی.

بەپێی زانیارییەکان، حکوومەت رۆژی 15-9-2019 پرۆژەیاساکە دەنێرێتە پەرلەمان و لە ماوەی دوو مانگدا دەنگی لەسەر دەدرێت.

محەمەد سەعدەدین، ئەندامی لێژنەی پێداچوونەوە بە پرۆژەیاسای چاکسازی رايگەیاند، حکوومەت پرۆژەیاساکەی ناردووەتە وەزارەتەکان بۆ پێداچوونەوە و پێشکەشکردنی پێشنیازەکانی خۆیان.

محەمەد سەعدەدین هەروەها رایگەیاند، دوای تەواوکردنی پێداچوونەوە بە پرۆژەیاساکە، وەزارەتەکان پێشنیاز و تێبینیی خۆیان پێشکەشی حکوومەت دەکەن و دواتریش حکوومەت پرۆژەیاساکە دەنێریتە پەرلەمان.

پرۆژە یاسای چاکسازی لەلایەن حکوومەتی ھەرێمی کوردستانەوە ئامادەکراوە. لە خولی پێشووی پەرلەمان بەھۆی ململانێی لایەنە سیاسییەکان نەتوانرا پەسەند بکرێت و لەم خولەدا، سەرجەم لایەنە سیاسییەکان لەگەڵ پەسەندکردنی پرۆژەکەی حکوومەتن.










باسنيوز