لایەنە سیاسییەکانی هەڵەبجە بۆ ناردنی ناوی کاندیدەکانیان بۆ ئەندامانی ئەنجومەنی پارێزگای ھەڵەبجە، ڕێک کەوتوون وو دوا وادەش٥ی٩ی٢٠١٩یە.

سەرچنار ئەحمەد، ئەندامی پەرلەمانی کوردستان لە فراکسیۆنی یەکگرتووی ئیسلامیی کوردستان، رايگەیاند: "لایەنە سیاسییەکانی پارێزگای ھەڵەبجە دوێنێ چوارشەممە گەیشتنە رێککەوتن کە ناوی کاندیدانیان بۆ پارێزگا بنێرن".

لەبارەی کاتی ناردنی ناوی کاندیدەکان گوتی: "دوا وادە رۆژی پێنجشەممەی ھەفتەی داھاتووە کە دەکاتە٥ی٩ی٢٠١٩".

ئەو پەرلەمانتارە گوتیشی: "دوای ناردنی ناوی کاندیدەکان، ناوەکانیان دەنێرێنە ئەنجومەنی وەزیران و سەرۆکی حکوومەتی ھەرێمی کوردستانیش فەرمانی دەست بەکاربونیان بۆ دەر دەکات".

ژمارەی ئەندامانی ئەنجومەنی پارێزگای ھەڵەبجە ٢٥ کورسی دەبێت.










باسنيوز