مەسرور بارزانی، سەرۆکی حکوومەتی هەرێمی کوردستان، پرسەنامەیەکی بۆ کۆچی دوایی ئیبراهیم خەیات، ئەمینداری گشتی یەکێتی ئەدیب و نووسەران و رۆشنبیرانی عێراق بڵاوکردەوە.

لە پرسەنامەکەی سەرۆکی حکوومەت هاتووە :"بەداخەوە هەواڵی کۆچی دوایی ئیبراهیم خەیات ئەمینداری گشتی یەکێتی ئەدیب و نووسەرانی عێراقمان بیست".

سەرۆکی حکوومەت هاوخەمی خۆی دەربڕیووە و لە پرسەنامەکە نووسیویەتی: "پرسە و سەرەخۆشی گەرمی خۆمان ئاراستەی کەسوکار و هاوڕێ و هاوکارەکانی لە نووسەر و رۆشنبیرانی عێراق دەکەین. خوای مەزن گیانی بە بەهەشت شاد بکات و ئارامی و دڵنەواییش بە کەسوکاری ببەخشێت.

دوێنێ چوارشەممە 28/08/2019، ئیبراهیم خەیات، بەهۆی رووداوێکی هاتووچۆ لە رێگای نێوان هەولێر – ئاکرێ، گیانی لەدەستدا.




K24