ل دهۆكێ رێڤەبەرەكی گیانێ خوە ژدەست دا
حەمزە رەزیكی، بەرپرسێ راگەهاندنێ رێڤەبەریا گشتی ساخلەمیا پارێزگەها دهۆكێ دیار كر: "ئێك ژ نۆشدارێن ناڤدار و خودان خزمەتەكا مەزن ل پارێزگەها دهۆكێ ئەڤرۆكە وەغەرا دووماهیێ كر. د. خەیری خدر تووشی نەخۆشیەكا گران ببوو بۆ دەرڤەی وەلاتی هاتبوو هنارتن بۆ وەرگرتنا چارەسەری پشتی ڤەگەریایە هەرێما كوردستانێ بۆ دەمەكێ دمینت پاشێ ژبەر تێكچوونا رەوشا وی بۆ نەخۆشخانا ئازادی ل دهۆكێ دهێتە رەوانەكرن پشتی هەڤركیەكا دژوار دگەل نەخۆشیەكا گران كری سپێدەهیا ئەڤرۆ گیانێ خوە ژدەستدا".
خویا ژی كر: "د. خەیری خدر ل رۆژا 20/3/1960 ژدایكبوویە ونۆشدارێ تایبەتمەندێ پێستی بوویە. ل سالا 1995 بوویە بەرپرسێ بنگەهێ تەندروستی ل باعەدرێ و سالا 2010ی بوویە بەرپرسێ كەرتێ تەندروستی ل شێخان، هەتا وەغەركرنێ خزمەتا تەندروستی كریە".
ئاشكەرا كر كو تەرمێ د. خەیری خدر بۆ باعەدرێ ل قەزا شێخان هاتە ڤەگوهاستن وتازیا وی ژی دێ ل ناحیا باعەدرێ هێتە دانان.
باسنيوز
