پۆلیسی هەولێر بڵاوی کردەوە کە دوای ئاگادارکردنەوەیان لەبارەی بوونی چەند ڕووداوێکی دزیکردن لە ناحیەی دارەتوو، پۆلیس دۆسیەی لێکۆڵینەوەی بۆ ئەم ڕووداوانە کردەوە و توانرا ناسنامەی دوو تۆمەتبار ئاشکرا بکات و دەستگیریان بکات.

لەمبارەیەوە (ڕائیدی پۆلیس، دلشاد حسن محی الدین) بەرپرسی بەشی نەهێشتنی تاوانی دارەتوو ڕاگەیاند: "ئاگادارکراینەوە بەبوونی چەند ڕووداوێکی دزیکردن لە ناحیەی دارەتوو، ئێمەش دەستبەجێ دۆسیەی لێکۆڵینەوەمان بۆ ئەم ڕووداوانە کردەوە و توانیمان ناسنامەی تۆمەتباران ئاشکرا بکەین و دەستگیریان بکەین".

گوتیشی: "تۆمەتبار بەناوی (س.س.ص) تەمەن 18 ساڵ بە ڕەگەز عەرەب، تۆمەتبار (ر.ا.ح) تەمەن 16 ساڵ بەڕەگەز عەرەب، دوای دەستگیرکردنیان دانیان نا بەتاوانەکانیان کەوا هەڵسابوون بە ئەنجامدانی 6 تاوانی دزیکردنی پارەو مۆبایل لە ناحیەی دارەتوو".

ئەوەشی خستە ڕوو، کە پەڕاوی لێکۆڵینەوەیان بۆ ڕێکخراو ڕەوانەی بەردەم دادوەر کران بڕیاردرا بەبەند کردنی تۆمەتباران بە پێی ماددەی 443 لە (ی.س.ع).











باسنيوز