ئاوارێن شنگال و زومار دترسن دەنگێن وان بشەوتە
ئێدریس زۆزانی، بەرپرسێ نڤیسینگەها رەوشەنبیری و راگەهاندنێ لقێ 17 پارتی ل شنگال دیار كر: "پشتی بریار هاتیە دان هەلبژارتنێن جڤاتێن پارێزگەهان سالا بهێت بهێنە ئەنجامدان ئەو كەسێن نە ل جهێن ئاكنجیبوونا خوە بن ئانكۆ ل پارێزگەها خوە نەبن نەشێن دەنگێن خوە بدەن ئەڤە ژی مەترسیێ ل سەر سۆتنا دەنگێن 180 هزار هەتا 190 هزار دەنگدەرێن شنگال و زومار دروستكریە، لەورا ژی نوونەرێن خەلكێ شنگال و زومار دگەل موختاران نەرازیبوونا خوە نیشا داینە ویاداشتنامەكا نەرازیبوونێ ژی داینە كۆمیسیۆنێ و نەتەوەیێن ئێكگرتی".
خویا ژی كر: "ئەم چاڤەرێ بەرسڤێ دكەن كو دەنگێن ئاواران نەهێنە سۆتن، چوو پلان دژی خەلكێ مە نەهێنە بجه ئینان چونكو تەناهی ل شنگال نینە. خەلك نەشێن بچنە وێدەرێ بۆ دەنگدانێ. ئەڤە دهێتە كرن ئەم دبینن پلانەكا دژی خەلكێ مە هاتیە دانان"
باسنيوز
