حکوومەتی عێراق هەوڵی گێڕانەوەی فەرماندە بەعسییەکان بۆ ریزەکانی سوپای ولاتەکەی، دەدات.

بەپێی هەواڵێکی ماڵپەڕی (سۆمەرییە نیوز)، حکوومەتی عێراق لە هەوڵدایە بۆ بەهێزکدنی توانا بەرگرییەکانی و چەند بژارەیەکی تاوتوێ کردووە.

یەکێک لەو بژارانە گەڕندنەوەی فەرماندەکانی هێزی ئاسمانی و ئەندازیاریی سەربازیی رژێمی بەعسی عێراقە، ئەوانەی پلەیان لە عەقید بەرەو خوارێ بوو، بۆ سەر کارەکانیان.

ئەو هەوڵەی حکوومەتیعێراق دوای چەند هێرشێکی ئاسمانیی فڕۆکە جەنگییەکانی ئیسرائیل بۆ سەر بنکە و کۆگاکانی چەکی میلیشیاکانی حەشدی شەعبی، دێت.

لەم چەند هەفتەیەی رابردوودا، چەندین جار بنکە و بارەگاکانی حەشدی شەعبی لەناوچە جیاوازەکانی عێراق کراونەتە ئامانج و ئیسرائیلیش ناڕاستەوخۆ دانی بە ئەنجامدانی هێرشەکان، ناوە.

دوای هەرەسهێنانی سوپای عێراق، زیاتر لە 60 میلیشیا تائیفی لەژێر ناوی حەشدی شەعبی و بە فەتوای ئایەتوڵڵا عەلی سیستانی، مەرجەعی باڵای شیعەکانی عێراق دروست کران.

لە مانگی 6ـی 2014، نزیکەی دوو هەزار چەکداری رێکخراوی تیرۆریستی داعش هێرشیان کردە سەر شاری مووسڵ و لە ماوەی چەند رۆژێکدا، هەرەسیان بە سوپای عێراق هێنا و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.











باسنيوز