بەڕێوەبەری پۆلیسی خانەقین ڕای دەگەیەنێت، تەرمی هاووڵاتییەك لەنێو ڕووباری ئەڵوەن دۆزرایەوە.

عەقید دیار شەوكەت، بەڕێوەبەری پۆلیسی خانەقین، ڕايگەیاند: "ئەمڕۆ یەكشەممە 25/8/2019، پۆلیس لە بوونی تەرمێك لەنێو ڕووباری ئەڵوەن لە سنووری شاری خانەقین ئاگادار کرایەوە".

گوتیشی: "پاشان تیمەکانی پۆلیس گەیشتنە شوێنی ڕووداوەکە و لە لێكۆڵینەوە سەرتایەكاندا دەركەوتووە كە ئەو هاووڵاتییە فیشەكێكی بەسەری خۆیەوە ناوە و نامەیەكیشی بۆ براكەی جێ هێشتووە كە دەیەوێت خۆی بكوژێت و هەندێك وەسیەتیشی نووسیوە".

ئاشكراشی كرد، قوربانییەكە ناوی محەمەد عەزیزە و تەمەنی 46 ساڵە.










باسنيوز