ئەمڕۆ یەکشەممە ٢٥ی٨ی٢٠١٩وەزیری پەروەردەی حکوومەتی هەرێمی کوردستان، لە شاری دهۆک لە پرێس کۆنفرانسێکدا کۆمەڵێک پرسی تایبەت بە خوێندن و نۆژەنکردنەوە و بینای نوێ قوتابخەکان خستە ڕوو.



ئالان محەمەدسەعید، لە پرێس کۆنفرانسەکەدا گوتی: "ئامانجی گشتیمان لەم سەردانە بۆ پاریزگای دهۆک، کۆبوونەوە و دانیشتن بوو لەگەڵ بەڕیوەبەری گشتیی پەروەردەی پارێزگا، بەڕێوەبەری پەروەردەی قەزا و ناحیەکان و مویر و بەڕێوەبەری بەشە جیاجیاکانی پەروەردەی گشتیی دهۆک، بۆ ئەوەی لە نزیکەوە ئاگاداری ڕاستی و واقیعی ڕەوشی پەروەردەی پارێزگا بین و کێشەکان دەستنیشان دەستنیشان و ڕێکارەکانی چارەسەریشیان دیاری کراون".



ئاماژەی بەوەش کرد: "تیشک خستنە سەر ژێرخانەی کەرتی پەروەردە لە پارێزگای دهۆک و ئەو گرفتانەی پیویستیان بە چارەسەرکردنی خێرا هەیە لە کۆبوونەوەدا باس کراون و هەوڵی جیدی بۆ چارەسەرکدنیان دەدەین".



وەزیری پەروەردە لە پرێس کۆنفرانسەکەدا ئاماژەی بە هەندێ پرسی دیکەی پەیوەندیدار بە پەروەردەی سنووری پارێزگای دهۆک و پەلانەکانی وەزارەتی پەروەردە کرد.









باسنيوز