سکرتێری حزبی سۆسیالیست دیموکراتی کوردستان ڕایگەیاند کە گەڕانەوەی ھێزی پێشمەرگە بۆ ناو شاری کەرکووک قورسە و ئاسان نییە چونکە بەشەڕ دەرکراوین و بەدەست ماچ کردن ناتوانین بچینەوە کەرکووک.

محەمەدی حاجی مەحمود، سکرتێری حزبی سۆسیالیست دیموکراتی کوردستان، لە کۆنگرەیەکی ڕۆژنامەوانیدا ڕایگەیاند: "گەڕانەوەی ھێزی پێشمەرگە بۆ شاری کەرکووک پەیوەندی بەڕێککەوتنی ھەرێم و بەغداوە ھەیە، بەڵام پێم وانییە لەم دۆخەی ئێستادا ئاسان بێت پێشمەرگە بگەڕێتەوە کەرکووک چونکە بەشەڕ دەرکراوین و بەدەست ماچکردن ناتوانین بگەڕێنەوە کەرکووک".

گوتیشی: "بەغدا و ھەرێم لەسەر پرسی نەوت و ناردنی موچەی فەرمانبەرانی ھەرێمی کوردستان ڕێککەوتن، بێگومان ئەو کێشانە بەرەو چارەسەرکردن دەچێت".

محەمەدی حاجی مەحمود، ڕایگەیاند: "ھەوڵی ئەوە دەدرێت لەنێوان ئەم چوار ساڵەدا پەیوەندی نێوان ھەرێم و بەغدا ئارام بێت، ھەروەھا ئێستا کێشەی نێوان ھەرێم و بەغدۆ بەرەو ئاڕاستەی چارەسەرکردن ھەنگاو دەنێت".











باسنيوز