سەرلەبەیانیی ئەمڕۆ پێنجشەممە ٢٢ی٨ی٢٠١٩ لە سنووری شارەدێی "قەرەتەپە"ی سەر بە قەزایی خانەقین، چەکدارانی داعش ڕووبەروی سوپای عێراقی بوونەتەوە و دوو سەربازی عێراقی کوژراون و دوو سەربازی دیکەش بریندار بوون.

لەمبارەوە كەریم حەسەن، ئەفسەری هەواڵدەریی پۆلیسی ناوچەكە ڕايگەیاند: "بەیانیی ئەمڕۆ پێنجشەمە لە سنووری شارەدێی قەرەتەپە چەكدارێكی داعش خۆی بە رەبایەیەكی سوپای عێراقدا تەقاندووەتەوەو بەو هۆیەوە دوو سەرباز كوژراون و داعشەكەش پارچەپارچە بووە".

هاوکات لەو کردەوە خۆکوژییەدا دوو سەربازی دیکەی عێراق بریندار بوون.

ئەوەشی خستە روو: "چەکدارانی داعش چەند بریندارێكیان هەبووە، بەڵام هەڵاتوون و ناوچەكەیان بەجێ هێشتووە".

ئەو هێرشە لە كاتێكدایە شەوی ڕابردوو چەکدارانی داعش بە قەناس و هاوەنباران سوپای عێراقیان لە شارەدێی جەلەولا كردە ئامانج و سەربازێك بریندار بووە.












باسنيوز