ئەمڕۆ سێشەممە لەكاتی هەڵگرتنەوەی مین لە یەكێك لە كێڵگەكانی مین لە سنووری شارۆچكەی مێرگەسۆر، كارمەندێكی مین هەڵگرەوە، بەر مین كەوتووە و رەوانەی نەخۆشخانەی ئیمێرجنسیی هەولێر كراوە.

موخلیس شەریف، بەڕێوەبەری چالاكیی مین، سەر بە بەڕێوەبەرایەتیی گشتیی كاروباری مینی هەولێر، رایگەیاند: "پێشنیوەڕۆی ئەمڕۆ سێشەممە 20/8/2019 کارمەندێکی مینلابەری سەر بە بەڕێوەبەرایەتییەكەمان، لەكاتی كاركردنی لە كێلگەیەكی مین لە سنووری شارۆچكەی مێرگەسۆر، مینێكی پێدا تەقییەوە و بەهۆیەوە زامدار بووە و دوای گرتنەبەری رێوشوێنی پزیشكی لە سنوورەكە رەوانەی نەخۆشخانەی ئیمێرجنسیی هاولێر كراوە و لەژێر چاودێری پزیشكیدایە".

گوتیشی: "نامانەوێت جارێ‌ ناوی تەواوی ئەم كارەمەندەمان ئاشكرا بكەین و لە نەخۆشخانەیە و باری تەندروستی جێگیرە و زیان بە چاوێكی گەیشتووە و لە داهاتوودا زانیاریی زیاتر دەخەینە ڕوو".







باسنیوز