گوتەبێژی بەڕێوەبەرایەتیی گشتیی پەروەردەی سلێمانی دەستپێكردنی پرۆسەی دابەشكردنی كتێبی بەسەر پەروەردەكانی سنووری پەروەردەی سلێمانی ڕاگەیاند.

مەریوان عومەر، گوتەبێژی بەڕێوەبەرایەتیی گشتیی پەروەردەی سلێمانی ڕايگەیاند: "بەمەبەستی ئامادەكاری بۆ ساڵی نوێی خوێندن، ئەمڕۆ یەکشەممە 18/8/2019 لە بەڕێوەبەرێتی تەجهیزات، پرۆسەی دابەشكردنی كتێب بەسەر پەروەردەكانی سنووری بەڕێوەبەرایەتیی گشتیی پەروەردەی سلێمانی بۆ ساڵی خوێندنی 2019/2020 دەستی پێكرد".

گوتیشی: "ئەمڕۆ كتێب بەسەر هەر یەكە لە بەڕێوەبەرایەتیی گشتیی پەروەردەی هەڵەبجە و بەڕێوەبەرایەتیی گشتیی پەروەردەی گەرمیان و بەڕێوەبەرایەتیی خوێندنی كوردی لە كەركووك دابەش كراوە".

ئاماژەی بەوەش دا: "ڕێژەیەكی زۆر كتێب گەیشتووەتە بەڕێوەبەرێتیی تەجهیزات و پرۆسەكە بەپێی خشتەیەك تا ڕۆژی پێنجشەممە 22/8/2019 بەردەوام دەبێت تا سەرجەم پەروەردەكان كتێبیان بەسەردا دابەش بكرێت".











باسنيوز