دابەشکردنی مووچە دەست پێ دەکاتەوە
بەپێی زانیارییەکان کە لە سەرچاوەیەکی نێو وەزارەتی دارایی بە دەستی گەیشتووە، لە هەفتەی داهاتوو دەست بە دابەشکردنی مووچەی مانگی 5 دەکرێتەوە، کە بەهۆی پشووەکانی جەژنی قوربان بەشێک لە وەزارەتەکان دابەشکردنی مووچەکانیان کەوتە دوای جەژن.
ئەوەشی خستە ڕوو، کە لە هەفتەی داهاتوو پارەکەی بەغدا بۆ مووچەی فەرمانبەران دەگاتە هەرێمی کوردستان و خشتەیەکی نوێی مووچە ڕادەگەیەندرێت لە ماوەی هەفتەیەکدا مووچەی سەرجەم فەرمانبەر و مووچە خۆران دابەش دەکرێت.
حکوومەتی هەرێمی کوردستان بۆ دابەشکردنی مووچەی فەرمانبەر و مووچەخۆران پشت بە داهاتی وەزارەتی سامانە سرووشتییەکان و بڕی ئەو پارەیەی کە لەلایەن بەغداوە ڕەوانە دەکرێت دەبەستێت.
bas news -
