ل رۆژا ١٦ـی ئابا ١٩٤٦ـێ، پارتی دیموکراتی کوردستان ب سەرۆکایەتیا بابێ ڕۆحی یێ گەلی کورد بارزانی نەمر هاتە دامەزراندن، پسپۆر ژی دبێژن، هەردەم پارتی کار بۆ کوردستانەکا ب هێز و پێگەهێ کوردستانێ دا کاردکەت، ژبۆ کو گەلێ کورد ب مەزنی دیاربیت د قادا جیهانی دا.

.پارتی و خۆگونجاندن

پارتی تاکە هێزە ل دەمەکی دژوار وسەخت ژ دایکبووە، و هەتا نها ژی ئێکەم پارتە شیایی خۆ ل گەل هەموو ژی و تەمەن و زەمەنا دا بگونجینیت، و ڕۆژ ب ڕۆژ پارتی د بەرفراونبوونێ دایە. مەهدی بلانی، شارەزا د کارێ پارتایەتیێ دا، و پسپۆر دبیاڤێ ڕێڤەبرنێ و گەنجان دا دبێژیت، ژبەر هندێ پارتی شیایە خۆ ل گەل هەموو ژی و تەمەن و زەمەنا دا بگونجینیت چونکی ئارمانجا پارتی سەربەخۆی و ئاخ بوویە، نها ژی نفشەک سەرهلدایە ب ئاخێ ڤە دگرێداینە، و د شەڕی داعشێ ژی دا هەر ژ سەرۆک و تا کادرێن پارتی ژی هەڤچەپەر بوون، و دبەرەیێن شەڕی دابوون بۆ پاراستنا ئاخا کوردستانێ، و خەلک ژی هشیارە دزانیت کی پشتەڤانە بۆ رۆژێن تەنگاڤیان. گۆتژی:'' بۆ خەلکێ ڕۆن بووە پارتی کار بۆ پاراستنا قەوارەیێ دەستووری یێ هەرێمی دکەت و پێنگاڤێن دەستووری بڕێڤە دبەت ژوانا ژی چارەسەکرنا ئاریشەیان ب ئاشتیانە.

پارتی ڕادەست نابیت

پار ساڵ سەرۆک بارزانی د گۆتارا ساڵڤەگەرا دامەزراندنا پارتی ڕاگەهاند، پارتی شیا هیڤیان ب ئێختە جهێ بێ هیڤیان، ئەڤە ژی سەروەرییەکا مەزنە، و نە هێلا کوردستان ڕادەستی بێ هیڤیبوونێ ببیت. بلانی دبێژیت ژی، دوژمن ب ئاگر و ئاسنی ئێڕشێ گەلێ کورد کرن، بەلێ پارتی ئێکەم حزب بوو خۆ کرە قەڵغان و نەهێلا دوژمن بگەهیتە ئارمانجێن خۆ وەک چاوان پێشمەرگەهان ب مۆرالەکا مەزن دگۆت دێ ئاخێ خۆین بەلێ نا فرۆشین.



ئازادی و سەربەخۆیێ ب نانی ناگوهۆڕن



پارتی ژ دەستپێکا دامەزراندنا خۆ و هەتا نها ژی کار بۆ وەڵاتەکی سەربەخۆ و گەلەکی ئازاد هەبیت، ژ پێناڤ گەلێ کورد ژیانەکا سەرفەراز و سەربەست هەبیت. هەڤدەم، خەلەف شەرەفانی، چاڤدێرێ سیاسی، و پسپۆرێ یاسایی ژی دبێژیت، د هەموو برگە و یاسایان دا پارتی داخوازا چارەسەرییا یاسایی و سیاسیی کریە، ژبەرهندێ ژی کەسی نەشیاییە پارتی ڕاوەستنیت چونکی پارتی هیچ جارەکی خۆ دووری یاسایێ نەکریە. ناڤهاتی بۆ ماڵپەرێ فەرمیی یێ پارتی ددەتە خویاکرن ژی، هەردەم پارتی داخواز ژ هەموو ئالی و هێزان کریە ب ئاشتی و هەڤبەشی کار بکەت، بەلێ پارتی سازشێ ل سەر سەربەخۆی و ئازادیا گەلێ کوردستانێ ناکەت و هیچ جارەکێ ژی ئازادی ب نانی گوهارتیە.



پارتی پلان و پیلانێن دوژمنان ژناڤبرن

زۆر ئالی هەبوون بزاڤا ژناڤبرنا قەوارەیی دەستووری یێ هەرێما کوردستانێ دکرن و دڤیان نەمینیت، بەلێ سەرکردایەتیا سیاسی یا کورد و ڕۆڵی سەرۆک بارزانی هەموو پلان و پیلانێن وان ژناڤبرن، و پارتی ل گەل هەڤپەیمانێن خۆ رووبەڕووی کریز و ئاستەنگەییان بوون. شەرەفانی گۆتژی:'' ئەگەر تەماشەی دیرۆکا پرسەروەرییا پارتی بکەی، هیچ جارەک نەبووە ئێڕشان بکەت هەموو دەمان بەرەڤانی کریە، و شیایە خەونا دوژمنان گۆڕ کەت. پارتی لە دوو هەلبژارتنێن جڤاتا نوێنەرێن ئیراقێ و پەرلەمێنتۆیا کوردستانێ شیا ببیتە ئیکەم ل سەر ئاستێ عیراق و کوردستانێ.

kdp -