پۆلیسی سلێمانی ڕایگەیاند، لە دوو چالاکی جیادا مەفرەزەکانی بنکەی پۆلیسی سەنگاوی سەر بە بەشی پۆلیسی چەمچەماڵ دوو تۆمەتباریان دەستگیرکرد کە داواکراو بوون لەسەر دۆسیەی کوشتن.

سەرکەوت ئەحمەد، گوتەبێژی پۆلیسی سلێمانی ڕاگەیاند: "لەچالاکییەکی مەفرەزەکانی بەشی پۆلیسی سەنگاو، تۆمەتبار (ک، ک، ح) دەستگیرکرا کە لەمانگی ٥ی ساڵی ٢٠١٧دا کەسێکی لەشاری سلێمانی لەشەقامی بازنەی مەلیک مەحموود کوشتبوو، و لەبنکەی پۆلیسی ڕزگاری داواکراوبوو".

ڕاشیگەیاند: "لەچالاکی دووەمدا، تۆمەتبار (ف، ف، ع) دەستگیرکرا کە تۆمەتبارە لەسەر دۆسیەی کوشتنی دوو هاووڵاتی لە گوندی هەزار کانی سەر بە شارەدێی سەنگاو".


گوتیشی: "ھەردوو تۆمەتبار بەبڕیاری دادوەر و بەپێی ماددەی ٤٠٦ لە یاسای سزادانی عێراقی ڕاگیراون"

bas news -