بەڕێوەبەری کۆنتڕۆڵی کارەبا لە وەزارەتی کارەبای حکوومەتی ھەرێمی کوردستان ئاشکرای دەکات کە لە ڕۆژانی جەژنی قورباندا پێدانی بڕە کارەبای نیشتمانی بە ھاووڵاتیان زیاد دەکەن.



ئومێد محەمەد، بەڕێوەبەری کۆنتڕۆڵی کارەبا ڕاگەیاند: "ھەرچەندە بەشێوەیەکی بەردەوام و بەھۆی بەرزبوونەوەی پلەکانی گەرماوە خواست لەسەر کارەبای نیشتمانی زیاد دەبێت بەڵام لە ئێستادا توانیومانە رۆژانە ١٥ کاتژمێر کارەبای نیشتمانی بەھاوڵاتیان بدەین".



گوتیشی: "بەھۆی ئەوەی ڕۆژانی جەژن پشووی فەرمانگە و دامودەزگا حکوومی و کارگەکانی کەرتی تایبەتە، لۆدی سەر کارەبای گشتی کەم دەبێتەوە بەمەش دەتوانین لەو ڕۆژانەدا زیاتر لە ١٥ کاتژمێر کارەبای نیشتمانی بە ھاووڵاتیان بدەین".










باسنیوز