لەگەڵ هاتنی وەزی گەرما منداڵانی دیاربەکر لە کانی (عەین زالە) واتە، کانی شیرین، کە دەکەوێتە ناوچەی سوور، لەناو حەوزەکەدا خۆیان فێنک دەکەنەوە.

هاوکات لەگەڵ بەرزبوونەوەی پلەکانی گەرما لەو شارە، منداڵانی بە کوڕان و کچەوە، لە کاتەکانی نیوەڕۆدا ڕوو دەکەنە کانی (عەین زالە) بۆ مەلەکردن و خۆ فێنککردنەوەی تا درەنگانی ڕۆژ تێیدا دەمێننەوە.

ئەوەی کە وای کردووە منداڵان روو بکەنە ئەو شوێنە، نەبوونی مەلەوانگەیە لە گەڕەکەکانیان و بەخۆڕایی ئەو شوێنەش هۆکارێکی‌ترە بۆ ئەوەی لە زۆرێک لە گەڕەکەکانی دیاربەکردەوە روو بکەنە کانی عەین زالە بۆ مەلەکردن.

هاوکات کانی عەین زالە شوێنی زۆر کۆنە و بە یەکێک لە شوێنە مێژووییەکانی دیاربەکر دادەنرێت.










باسنيوز