شەوی ڕابردوو، چەكدارانی تیرۆریستی داعش لە سێ ڕێگەی جیاواز هێرشیان كردە سەر شارەدێی كوڵەجۆی سەر بەقەزای كفری و بەو هۆیەوە 4 كەس شەهید بوون و 6 كەسی دیكەش بریندار بوون.



سمكۆ عەلی، بەڕێوەبەری ئاسایشی كوڵەجۆ، ڕاگەیاند "شەوی ڕابردوو 31/7/2019 چەكدارانی تیرۆریستی داعش، لەڕێگەی بۆردومانكردن و دانانی بۆمبی چێندراو و دەستڕێژی گوللەوە هێرشیان كردووەتە سەر هێزەكانی ئاسایش و شارەدێی كوڵەجۆ و بەو هۆیەوە 4 كەس شەهید بوون و 6 كەسی دیكەش بریندار بوون".



گوتیشی "دوان لە شەهیدەكان كارمەندی ئاسایش و دوانیشیان پێشمەرگەن".



موقەدەمی مافپەروەر عەلی جەمال قدووری، گوتەبێژی بەڕێوەبەرایەتیی پۆلیسی گەرمیان، بە (باسنیوز)ی ڕاگەیاند: "سێ لە بریندارەكان هاووڵاتی مەدەنین".



بەپێی زانیارییەكان شەهیدەكان بریتین لە "حەیدەر فوئاد فایەق، ئاسۆ جەلال محەمەد، بەرزان ئەحمەد محەمەد، پشتیوان محەمەد جەبار".






باسنيوز