سەرۆکێ پارتی دیموکراتی کوردستان-تورکیا(PDK-T) دبێژیت، ب هیچ ڕەنگەکی ئەو خیانەتا ١٦ـی ئۆکتۆبەرێ ناهیتە ژبیرکرن.



محەمەد ئەمین کارداش، د داخویانیەکێ دا بۆ ماڵپەرێ فەرمیی یێ پارتی دیموکراتی کوردستان گۆت:'' گەلێ کورد ل تەڤاهیا دونیایی تێگەهشتیە کو ل ١٦ ئۆکتۆبەرێ خیانەتەکا هەرە مەزن ل گەلێ کورد هاتە کرن، و بووە ئەگەڕی وێ یەکێ کو گەلێ مە هەمبەری چەندین پرسێن ئالۆز ببیت، بەلێ پلانا خیانەتکاران هاتە شکاندن.



ناڤهاتی دا زانین، ل ١٦ـی ئۆکتۆبەرێ برینێن گەلێ مە هاتنە کەلاشتن و گەلێ مە کەفتە بەر پێلێن دوژمنان بەلێ ئیرادەیا گەلێ مە ژ هەر تشتی ب هێزتربوو و گەلێ مە ژ سەرخۆبوونێ حەز دکەت و پلانێن وان بن ئاخ کرن ڕی نەدان خەونێن وان یێن ترسنۆک بجهـ بهێن.''



کارداشی ئاماژە ب وێ یەکێ کر، گەرەکە گەلێ مە خۆ رێکخستی بکەت و ل هەمبەر هەر خیانەتکار و دوژمنەکی ڕاوەستیت و ژبۆ کو گەلێ بگەهیتە ئارمانجا خوە.


kdp-