ھێمن ھەورامی: پارتی لە سۆنگەی بەرپرسیارەتییەوە لە ھاوکێشەکان دەڕوانێت
ھێمن ھەورامی لە دانیشتنی لەگەڵ باڵیۆزی گشتیی ھۆڵەندا لە بەغدا، مارتین ڤۆلتیرس و کونسووڵی گشتیی ھۆڵەندا لە ھەولێر، ولیام کۆسین، گوتی، بەو پێوەرەی کە پارتی لە دێرزەمانەوە ھەڵگری بارە قورسەکانی گەلیکوردستان بووە، ئێستاش لە سۆنگەی بەرپرسیارەتییەوە لە ھاوکێشەکان دەڕوانێت و بڕیارەکانیشی لە بەرژەوەندیی گەلی کوردستان و گەلانی عێراق دەشکێنەوە.
لە بارەگای بارزانی، ھێمن ھەورامی، ئەندامی سەرکردایەتیی پارتی، پێشوازیی لە ھەریەکە لە باڵیۆز مارتین ڤۆلتیرس و کونسووڵ ولیامکۆسینی ھۆڵەندا لە بەغدا و هەولێر کرد.
ھەورامی وێڕای بەخێرھێنانی شاندی میوان، تیشکی خستە سەر ئەو ئاماژانەی کە ئاییندەی ھەرێمی کوردستان و عێراق ئاراستە دەکەن و گوتی: پارتی لە سەرەتای دامەزرانییەوە بۆ ئارامی و ئاشتی کۆششی کردووە وھەر ڕێگایەک ئەم ئازادی و ئاشتییە بێنێتە دی، ڕێبواری دەبین.
ھەورامی ڕایگەیاند: بەو پێوەرەی کە پارتی لە دێرزەمانەوە ھەڵگری بارە قورسەکانی گەلی کوردستان بووە. ئێستاش لە سۆنگەی بەرپرسیارەتییەوە لە ھاوکێشەکان دەڕوانێت و بڕیارەکانیشی لە بەرژەوەندیی گەلی کوردستانو عێراق دەشکێنەوە. بۆیە ئاییندەی کوردستان گەش دەبێت و حکوومەتی نوێی عێراقیش جیاواز لە حکوومەتەکانی دیکە ڕەنگدانەوەی ھەموو پێکھاتەکانی عێراق. چونکە پارتی خاوەنی ھێزێکی بەھێزە و ئەم ھێزەش بۆ ئاشتیو ئاوەندانی بەکار دەھێنێت.
سەبارەت بە کۆتاییھاتنی پرۆسەی ھەڵبژاردنی پەرلەمانی کوردستان، ھەورامی ئەوەی بە خاڵێکی گرنگ وەسف کرد و بە سەرکەوتنێکی گەورە بۆ گەلی کوردستانی زانی.
باڵیۆزی گشتیی ھۆڵەندا لە بەغداد مارتین ڤۆلتیرس، سوپاسی ھەورامیی کرد بۆ پێشوازییەکەی و پیرۆزباییی سەرکەوتنی پرۆسەی ھەڵبژاردنی پەرلەمانی کوردستانی لێ کرد و ھیوای خواست لە ئاییندەیەکی نزیکداحکوومەتی داھاتووی کوردستان پێک بهێنرێت، بۆ ئەوەی پەیوەندییەکانیان لەگەڵ حکوومەتێکی بەھێز پتەو بکەن و بەرژەوەندیی دوولایەنە بپارێزرێت. ھەروەھا باسی لە ڕۆڵی کورد کرد لە حکوومەتی ئاییندەی عێراقدا.
kdp-
