لەباره‌ى چه‌ند بنەماڵه‌یه‌كى هه‌رێمى كوردستان كه‌ به‌رله‌ چه‌ند ڕۆژێك له‌ ڕووداوێكى دڵته‌زێن له‌ ده‌ریاى ئیجه‌دا خنكان، سه‌فین دزه‌یى گوته‌بێژى فه‌رمیى حكوومه‌تى هه‌رێمى كوردستان ڕای گه‌یاندووە حکوومەت بۆ گەڕانەوەی تەرمی ئەو هاووڵاتییانە هاوکاری دەکات.

سەفین دزەیی ئاماژەی بەوەش کردووە حكوومه‌تى هه‌رێمى كوردستان هه‌ر له‌ ساتى یه‌كه‌مى ڕووداوه‌كه‌وه‌ به‌ وردى به‌دواداچوونى بۆ كردووه، هه‌روه‌ها وێڕاى پرسه‌ و سه‌ره‌خۆشى، نیگه‌رانى، هاوسۆزى و هاوخه‌میى حكوومه‌تى هه‌رێمى كوردستانى له‌گه‌ڵ خانه‌واده‌ و كه‌سوكارى قوربانییان ده‌ربڕیوە.

دزه‌یى دووپاتى كرده‌وه‌ كه‌ حكوومه‌تى هه‌رێمى كوردستان به‌رده‌وام له‌گه‌ڵ لایه‌نه‌ به‌رپرسه‌كان له‌ توركیا له‌ په‌یوه‌ندی دایه‌ و هه‌موو هه‌وڵێك ده‌دات و هاوكار ده‌بێت بۆ گه‌ڕاندنه‌وه‌ى ته‌رمى قوربانییان بۆ هه‌رێمى كوردستان.

شەوی چوارشەممە 9 لەسەر 2018/1010 بەهۆی نوقمبوونی کەشتییەک لە دەریای ئیجە، 35 پەنابەر تێیدا بوونە قوربانی کە بەپێی زانیارییەکان 29 کەسیان بە ڕەگەز عێراقی بوون و لەنێویاندا 16کەسیان هاووڵاتیی کوردی قەزای زاخۆ بوون و لەو ڕۆژەوە بە هاوکاریی حکوومەتی تورکیا و فیدراسیۆنی پەنابەرانی عێراق و لایەنە پەیوەندیدارەکانی هەرێمی کوردستان، کارئاسانی بۆ هێنانەوەی تەرمی ئەو هاووڵتیانە دەکرێت.










باسنيوز