دوابەدوای راگەیاندنی ھەلمەتی ھاوسۆزیی بۆ قوتابیانی زانکۆ بە تایبەتی بۆ ئەوانەی لەبەشەناوخۆییەکان لە لایەن مامۆستایان و فەرمانبەران و قوتابیانی کۆلێژی پەروەردەی بنەرەتی ، کۆکردنەوەی کۆمەکێکی شیاو لە کۆمپانیا و مارکێت و کەس و لایەنەکان لە رێگەی ھەول و ماندووبوونی قوتابیان و فەرمانیەران و مامۆستایان ھەر یەک بە پێی توانای خۆی ، دواتریش رێکخستنی کەرەسە و کەولوپەلی ھەنگاوی یەکەم ئەمڕۆ رۆژی دووشەممە رێکەوتی ٢٩/٢/٢٠١٦ کاتژمێر ٥:٣٠-٧:٣٠ ئێوارە سەردانی سێ بەشی ناوخۆیی کچان و کاتژمێر ٧:٣٠ تاکو ٩:٣٠ شەو سەردانی دوو بەشی ناوخۆیی کوڕان کرا و بەرھەمی ھەڵمەتی ھاوسۆزیی بەسەر قوتابیانی زانکۆ دابەشکرا بە بێ جیاوازی کردن لە نێوانیان.
شایانی باسە ئەوە ھەنگاوی یەکەمی ھەڵمەتەکە بوو و بەردەوام دەبێت تاکو کۆتایی سالی خوێندن.
بەراستی زۆر ئاسوودە و خۆشحال بووم کە بینیم مامۆستایان و فەرمانبەران و قوتابیان چەند بە پەرۆش و دلسۆزیی و لەخۆبووردووانە کارەکانیان دەکرد و حەزیان دەکرد زووتر و باشتر خزمەت بکەن
دلخۆش بووم کە قوتابیان لە کاتی سەردانەکەدا پێشوازییان لێکردن و دانیشتین لەگەل ھەندێکیان و گوێمان لێگرتن و بیرۆکەی ھەلمەتەکە و بەلێنی بەردەوامی پەیوەندی و ھاوسۆزییمان پێدان.
ھیوادارین کەس و لایەن و کۆمپانیاکان بە دەم ئەو ھەلمەتەوە بێن و کۆلێژەکانی تری زانکۆ وەک ئەرکێک ھەڵمەتی ھاوشێوە دەست پێبکەن تا بتوانین کەمێک لە باری گرانی سەر شانی قوتابیە خۆشەویستەکانمان سوکتربکەین لەو بارودۆخە داراییە قورسە.









کارزان کانەبی