لە دیدارێكی تایبەتدا بۆ گۆڤاری گوڵان پاوڵا هۆلمز ئێبەر پسپۆڕ لە سەنتەری رۆژهەڵاتی ناوەڕاست گوتی: ئێوە وەك گۆڤارێكی كوردی دەزانن كە درووستبوونی عێراق و سنوورەكانی لە رووی مێژووییەوە ئەنجامی كۆڵۆنیاڵیزمە، بۆیە سنوورە هەڕەمەكییەكان پێوەندی بە كێشەكەوە هەیە، هەر ئەمەش نییە و پێوەندی هەیە بە نایەكسانی و جیاوازەكان لە نێوان خەڵكان لە وڵاتەكاندا و پێموایە تەنانەت ئەگەر سنووری سەقامگیریش هەبوایە، ئەوا هەر كێشەكان درووست دەبوون، كەواتە چەندین فاكتەر هەن بۆیە ناتوانرێت بە ئاسانی چارەسەر بكرێن.


پاوڵا هۆلمز ئێبەر هەورەها گوتی: دەوڵەتان داهێنانی نوێی ئەوروپان، پێش ئەوە لە جیهاندا ئیمپڕاتۆریەتەكان هەبوون، وەك ئیمپڕاتۆریەتی ئیسلام و رۆم و مەغۆل، دەوڵەت شتێكی نوێیە لە مێژوودا، پێموا نییە دەوڵەتان شەڕ درووست بكەن لە بەر ئەوەی جەنگەكان ئەنجامی درووستكردنی ئیمپراتۆریەتەكانن، پێموانییە دەوڵەتان هۆكاری شەڕ بن، بەڵكو رێگەیەكن بۆ پاراستنی خەڵك و رێكخستنی خەڵك لەو ناوچەیەدا.


شايانى باسه هۆلمز ئێبەر هەورەها گوتی: دەزانم ئێوە گۆڤارێكی كوردین و بە تەواوی لە بایەخەكانتان تێدەگەم، بۆیە درووستكردنی هەڕەمەكی سنوورەكان كێشەی زۆری بۆ خەڵكی كوردستان درووست كردووە لەمێژوودا. لەبەر ئەوەی من زانایەكی سیاسی نیم، بۆیە شارەزاییەكانم لەسەر درووستكردنی دەوڵەت نییە، بەڵام دەڵێم وادەردەكەوێت لەجیهاندا شتێك هەبێت لە هەشتاكان و نەوەدەكاندا وا بیرمان دەكردەوە كە ناسیۆنالیزم لەگەڵ پەیدابوونی وڵاتان بە یەكەوە وەستابن لە درووستكردنی سنوور و چەندین گرووپ بە یەكەوە كۆبوونەوە و یەكیان گرت، وەك یەكێتی ئەرووپا، بەپێچەوانەشەوە ئەگەر سەیری یوگۆسلاڤیا بكەین، دەبینین دابەش بوو بۆ چەندین دەوڵەتی بچووك و هەریەك ناسنامەی ئایینی و نەژادی خۆی درووستكرد، بۆیە گرووپەكان ناسنامەی ئایینی و نەژادییان لە ناوچەی زۆر بچووكدا درووستكرد لە جیاتی دەوڵەت و قەوارەی گەورەی وەك یەكێتی ئەوروپا، بۆیە پێموایە ئەمە گرفتە و نازانم چارەسەر چییە، بەڵام دەزانم شێوەكان چین بۆ ئەوەی گرووپێك بانگەشەی ناسنامەی ئایینی و نەژادی خۆی بكات، بۆیە تا چەند لە سەربنەمای ناسنامەی نەژادی پێكەوە بمێنینەوە، ئەوا ئەوەندە خەڵك رۆڵی كەمتر دەبینن.


لە كۆتایی قسەكانیدا ئێبەر گوتی: ئەوەی لە ئارادایە بارودۆخێكی زۆر ناخۆشە، ئەگەر سەیری مێژووی ئیسلام بكەین، دەبینین قۆناغ هەیە سوننە و شیعەكان پێكەوە بە ئاشتی ژیاون، بەڵام بەداخەوە لەم ساڵانەی دواییدا ناسنامەی سوننە و شیعە بە سیاسەتەوە گرێدراوە و جەنگێكی بەوەكالەت لەناوچەكەدا هەیە، بەوەی ئێران بانگەشە بۆ دانیشتووانی شیعەكان دەكات، پێشموایە ئەوەی كە لە سووریادا روودەدات شەڕێكی بەوەكالەتە و سعودیە لەلایەك و ئێران لەلایەكی تر و وڵاتانی نێوانیشیان دەبێت لەگەڵی بڕۆن، ئەوەشی شێتانەیە ئەوەیە كە عێراق لە هەر دوو دانیشتووانەكەی هەیە و بەشێكی لەگەڵ ئێران و بەشێكی لەگەڵ دەوڵەتانی كەنداون، پێموایە دەبێت فێربن چۆن پێكەوە دەژین. وەك دەزانی لە ئێرلانداش بۆ ماوەیەكی درێژ ناكۆكی هەبوو لە نێوان كاسۆلیك و پرۆتستانەكان، بۆیە خەڵك دەبێت فێربێت چۆن پێكەوە بژین، بۆیە زۆر ناخۆشە خەڵكانێك هەمان ئایینیان هەیە، بەڵام ناتوانن پێكەوە بژین. بۆیە شەڕێكی گەورەی بەوەكالەت بەڕێوەدەچێت و پێموایە ئەوە بۆ هەر دوو لا زۆر مەترسیدارە، بەتایبەتی بۆ كورد كە لە ئێران و عێراق و توركیا هەن، ئەوەی دەبێت وریا بێت كوردە.


بۆ خوێندنەوەی ئەم بابەتە لە گۆڤاری گوڵان ژمارە(1061)