فڕۆکە جەنگییەکانی هاوپەیمانان لە میحوەری باشیک بنکەکانی داعش بۆردوومان دەکەن و سەرپەرشتیاری هێزی پێشمەرگەش لە میحوەرەکە دەڵێت "مەبەست لەو بۆردوومانە زیاتر دوورخستنەوەی بنکەکانی داعشە لە سەنگەرەکانی پێشمەرگە".

لیوا ئەنوەر کۆلیت، جێگری فەرماندەی فەرماندەیی هەڵگورد راگەیاند : کاژێر 9:00ی بەیانی ئەمڕۆ یەکشەممە، فڕۆکە جەنگییەکانی هاوپەیمانان سێ جار بنکەکانی داعشیان لە میحوەری باشیک بۆردوومانکرد، لەئەنجامدا بنکەیەکی داعش خاپوورکرا و ئۆتۆمبێلێکی سەربازیشیان تێکشکێنرا".

سەبارەت بە زیانە گیانییەکانیش ئەنوەر کۆلیت گوتی :بەهۆی دووری نێوان داعش و پێشمەرگە بەوردی زیانە گیانییەکان نازانرێن".

هاوكات حەمید ئەفەندی، سەرپەرشتیاری هێزی پێشمەرگە لە میحوەری باشیک بە رووداوی گوت "مەبەست لەو بۆردوومانانە زیاتر دوورخستنەوەی داعشە لە سەنگەرەکانی هێزی پێشمەرگە، بەجۆرێک گوللەی تۆپ و تانکی داعش نەگەنە سەنگەرەکانی پێشمەرگە".




رووداو