بڕیارە کاژێر 11:00ی ئەمڕۆ چوارشەممە، مەسعود بارزانی، سەرۆکی هەرێمی کوردستان لەگەڵ کونسوڵ و نوێنەرانی وڵاتان لە هەرێمی کوردستان کۆببێتەوە.

لەو کۆبوونەوەیەدا نوێنەرانی رێکخراوی نەتەوە یەکگرتووەکان و یەکێتی ئەوروپا و هەموو کونسوڵ و بەرپرسی نوێنەرایەتییەکانی وڵاتان لە هەرێمی کوردستان بەشدار دەبن.

کۆبوونەوەکە نەریتێکی ساڵانەیە کە تێیدا کونسوڵ و نوێنەرانی وڵاتان لە دەستپێکی ساڵی نوێدا لەگەڵ سەرۆکی هەرێمی کوردستان کۆدەبنەوە.

بارزانی لەو کۆبوونەوەیەدا دوایین زانیاری لەسەر بارودۆخی هەرێمی کوردستان، شەڕی داعش، بەرەوپێشچوونەکانی هێزی پێشمەرگە و پێداویستییەکانیان دەخاتەڕوو.











رووداو