كۆبوونەوەی ئەنجوومەنی وەزیرانی هەرێمی كوردستان بەسەرۆكایەتی نێچیرڤان بارزانی كۆتاییهات، بەپێی زانیارییەكان لە كۆبوونەوەكەدا چەند بڕیارێك لەبارەی چاكسازییەوە دەركراون.

لە كۆبوونەوەكەدا كە تایبەت بوو بە چاكسازیكردن، بڕیاردراوە دەرماڵەی پلەباڵاكان بەڕێژەی 50% كەمبكرێتەوە.

پلەباڵاكان بریتین لە هەرسێ سەرۆكایەتییەكەی هەرێمی کوردستان، وەزیرەكان، پەرلەمانتارەكان، راوێژكارەكان، بریكارەكان و بەڕێوەبەرە گشتییەكان.

هەروەها لە كۆبوونەوەی ئەنجوومەنی وەزیران بڕیاریدراوە خەرجی کەمبکرێتەوە و داهات لەڕێگەی باجەوە زیادبکرێت. وەزیرەكانیش لەسەر ئەوە رێككەوتوون باج لەسەر بازرگان و خاوەن پڕۆژە گەورەكان دابندرێت.

پاش كەمێكی دیكە حكومەتی هەرێمی كوردستان راگەیێندراوی كۆبوونەوەكە بڵاودەكاتەوە...













رووداو