به‌ره‌به‌یانی ئه‌مڕۆ پێنجشه‌ممه‌ 17ی‌ كانونی‌ یه‌كه‌م، ھێزه‌كانی پێشمه‌رگه‌ی كوردستان له‌ میحوه‌ری خازر ئۆپه‌راسیۆنێكیان ده‌ستپێكرد و توانییان له‌ ماوه‌یه‌كی كه‌مدا 3 گوند كونترۆڵ بكه‌نه‌وه‌ و 63 ته‌رمی چه‌كدارانی داعشیش گه‌یه‌ندراونه‌ته‌ پزیشكی دادوه‌ری له‌ شاری موسڵ .
سەرچاوەیەك لە هێزی پێشمەرگە راگه‌یاند: ئێواره‌ی دوێنێ چه‌كدارانی رێكخراوی تیرۆریستی داعش ھێرشیانكردبووه‌ سه‌ر سه‌نگه‌ره‌كانی پێشمه‌رگه‌ له‌ میحوه‌ری باشیك و ناوه‌ران و خازر".

گوتیشی: "سه‌رله‌به‌یانی ئه‌مڕۆ پێنجشه‌ممه‌ 17ی كانونی یه‌كه‌می 2015 ھێزه‌كانی پێشمه‌رگه‌ ئۆپه‌راسیۆنێكیان بۆ كۆنترۆڵكردنه‌وه‌ی ئه‌و شوێنانه‌ ده‌ستپێكردبوو".

ئاماژه‌ی به‌وه‌شدا: "ھێزه‌كانی پێشمه‌رگه‌ له‌ میحوه‌ری خازر سه‌ركه‌وتنێكی گه‌وره‌یان به‌ده‌ستھێنا و توانییان ھه‌ر 3 گوندی حه‌سه‌ن شام و ته‌ل ئه‌سوه‌د و مه‌نگوبه‌ی سه‌ر به‌ ناحیه‌ به‌رتله‌ جارێكی تر كونترۆڵ بكه‌نه‌وه‌".

ئه‌وشی خسته‌ڕوو: "له‌ ئه‌نجامی ئه‌و شه‌ڕ و پێكدادانه‌ی ئێواره‌ی دوێنێی نێوان ھێزه‌كانی پێشمه‌رگه‌ی كوردستان و چه‌كدارانی داعش 63 ته‌رمی چه‌كدارانی ئه‌و رێكخراوه‌ تیرۆریستییه‌ گه‌یه‌ندراونه‌ته‌ پزیشكی دادوه‌ری له‌ شاری موسڵ ".











خه‌ندان_