ئەندامێکی ئەنجومەنی نوێنەرانی عێراق، داوایەک ئاراستەی سەرۆکی هەرێمی کوردستان دەکات و داواش دەکات سەعاتی سفر بۆ پرۆسەی ئازادکردنەوەی دەشتی نەینەوا لەدەست چەکدارانی داعش دابنێت.



سالم شەبەکی، نوێنەری شەبەک لە ئەنجومەنی نوێنەرانی عێراق، بە ئاژانسی (سۆمەریە نیوز)ی راگەیاندووە، بەشێوەیەکی فەرمی داوا لە مەسعود بارزانی، سەرۆکی هەرێمی کوردستان دەکات، کە سەعاتی سفر بۆ پرۆسەی ئازادکردنەوەی دەشتی نەینەوا دابنێت، بۆ ئەوەی هێزی کوردی شەبەک بتوانن لەژێر فەرمانی بارزانیدا لەم ئۆپەراسیۆنە بەشداری بکەن.


ئەوەشی خستەروو: دوو هەزار هێزی شەبەک لە چوار چێوەی وەزارەتی پێشمەرگە لە ئامادەباشیدان و ئامادەن بۆ ئەوەی لەژێر فەرمانی بارزانی ناوچەکانی خۆیان ئازادبکەنەوە.


سالم شەبەک گوتیشی: "پێویستە دوای ئازادکردنەوەیان ناوچەی کوردی شەبەک لە دەشتی نەینەوا بگەرێنرینەوە بۆ سەر هەرێمی کوردستان".






باسنیوز