هونه‌رمه‌ندی ناوداری كورد (شڤان په‌روه‌ر) له‌سه‌ر شه‌هیدكردنی سه‌رۆكی سه‌ندیكای پارێزه‌رانی ئامه‌د (تاهیر ئیلچی) هاته‌ ده‌نگ و ده‌ڵێ كوشتنی تاهیر كۆمه‌ڵكوژیكردنی دیموكراتی و برایه‌تییه‌ و به‌ توندی ئیدانه‌ی ده‌كه‌م.

شڤان دەڵێ "دووچاری شۆكێكی گه‌وره‌ بووم كاتێك هه‌واڵی شه‌هیدبوونی ئه‌ویان پێدام. تیرۆریستان ده‌یانه‌وێت ئه‌و جۆره‌ كه‌سایه‌تییانه‌ بێده‌نگ بكه‌ن".

په‌روه‌ر له‌سه‌ر كوشتنی تاهیر دێته‌ ده‌نگ و بۆ ئاژانسی (DHA) لێدوانی داوه‌، ئاماژه‌ ده‌دات شه‌هیدكردنی تاهیر شه‌هیدكردنی دیموكراتی و برایه‌تی و مرۆڤایه‌تییه‌.

هەروەها دەڵێ "ئه‌م هه‌واڵه‌ دووچاری شۆكی كردم و ئیدانه‌ی ده‌كه‌م. نازانم چۆن خه‌می ئه‌و رووداوه‌تان بۆ باس بكه‌م. به‌ڵام ده‌مه‌وێت به‌ هه‌موو توركیا بڵێم كه‌ ئه‌وه‌ی ئه‌و كاره‌ی كردووه‌، مه‌به‌ستیه‌تی له‌ توركیا شه‌ڕ هه‌ڵبگیرسێ و ئه‌وانه‌ی باسی ئاشتی ده‌كه‌ن بێده‌نگ بکه‌ن".

ئه‌و له‌ به‌شێكی دیكه‌ی قسه‌كانیدا په‌یامێكی بۆ كورد و تورك ناردووه‌ و ده‌ڵێ "له‌به‌ر خاتری تاهیر ئیڵچی ئیدی پێویسته‌ هه‌موولایه‌ك هه‌وڵ بده‌ن هیچی دیكه‌ شه‌ڕ نه‌كرێ و ده‌ستی برایه‌تی بۆ یه‌كتری درێژ بكه‌ن".

ئه‌و دووپاتی كرده‌وه‌ وه‌كو شڤان په‌روه‌ر هه‌میشه‌ هه‌وڵ ده‌دات بۆ به‌دیهێنانی ئاشتی و هه‌رگیز له‌و رووه‌وه‌ سڵ ناكاته‌وه‌.









باسنيوز