دواى ڕووداوى خستنه‌خواره‌وه‌ى فڕۆكه‌ جه‌نگییه‌ ڕووسییه‌كه‌ له‌لایه‌ن توركیاوه‌، گوته‌بێژ به‌ ناوى ده‌یڤید كامێرۆن سه‌رۆك وه‌زیرانى بریتانیا رایگه‌یاند كه‌ كامێرۆن داواى له‌ توركیا و ڕووسیا كردووه‌ كه‌ گفتوگۆى راسته‌وخۆ سه‌باره‌ت به‌ ڕووداوه‌كه‌ بكه‌ن .

گوته‌بێژه‌كه‌ گوتى ده‌یڤید كامێرۆن هانى ئه‌حمه‌د داود ئۆغلۆ سه‌رۆك وه‌زیرانى توركیاى كردووه‌ كه‌ كار بۆ گفتوگۆى راسته‌وخۆ له‌ نێوان توركیا و ڕووسیا بكات .

له‌ لایه‌كى دیكه‌شه‌وه‌ فرانك ڤاڵته‌ر شتانمایه‌ر وه‌زیرى ده‌ره‌وه‌ى ئه‌ڵمانیا رایگه‌یاند كه‌ هیواخوازه‌ ڕووداوى خستنه‌خواره‌وه‌ى فڕۆكه‌ ڕووسییه‌كه‌ نه‌بێته‌ كۆسپ له‌به‌رده‌م گفتوگۆكانى چاره‌سه‌ركردنى قه‌یرانى سوریا .

له‌ لایه‌كى دیكه‌شه‌وه‌ به‌رپرسێكى حكوومه‌تى توركیا به‌ رۆیته‌رزى راگه‌یاند كه‌ توركیا له‌و باوه‌ره‌دایه‌ هه‌ردوو فڕۆكه‌وانه‌ ڕووسیه‌كه‌ى ئه‌و فڕۆكه‌یه‌ى خرایه‌ خواره‌وه‌، له‌ ژیاندا ماون و كار بۆ رزگاركردنیان له‌ بن ده‌ستى ئۆپۆزسیۆنى سوریا ده‌كه‌ن .