لە دیدارێكی تایبەتدا بۆ گۆڤاری گوڵان پڕۆفیسۆر رەشات كەسابه گوتی: لەنێوان ئەو دوو هەڵبژاردنەدا ئەكەپە سەركەوتوو بوو لە بڵاوكردنەوەی ئەو پەیامەی كە بە بێ حكومەتێكی تاكلایەنەی جێگیر، توركیا لاواز دەبێت لە ئاست پەلامارەكانی دەرەوە. هەروەها ئەكەپە كارتی نەتەوەیی بەكارهێنا و ئۆباڵەكەی خستە ئەستۆی پەكەكە و بە ناڕاستەوخۆش بەرپرسیارێتییەكەی خستەسەر شانی هەدەپە بۆ ئەو ناكۆكییانەی لە رۆژهەڵاتی وڵات روویان دا و ئەو پەلامارانەی هێزەكانی ئاسایش و لە ئەنجامدا ئەكەپە سەركەوتنی بەدەستهێنا لە راكێشانی دەنگدەرە نەتەوەپەرستەكان و زۆرینەی بەدەستهێنایەوە.


رەشات كەسابه هەروها گوتی: دەستپێكردنەوەی گفتۆگۆكان لەگەڵ گرووپە كوردییەكان لە توركیا و مامەڵەكردن لەگەڵ كێشە ئەمنییە دەرەكی و ناوخۆییەكان و چارەسەری ئاماژەكانی سستبوون كە لەسەر شانۆی ئابووری كۆبۆتەوە و لە سەرەكیترین كێشەكانن. مەترسییەكی راستەقینە هەیە كە بەردەوام خراپبونی بارودۆخی سووریا كاریگەری زۆری هەبێت و هەڕەشە لە ئاشتی بكات، بەتایبەتی لە ناوچە سنوورییەكان.


شايانى باسه كەسابه هەروها گوتی: بۆ ئەكەپە و گرنگە كە هەوڵی راستەقینە بدات بۆ ئەوەی ئەوانەش لەخۆ بگرێت كە دەنگیان پێ نەداوە كە لەسەدا پەنجای دەنگدەرانن. دەستپێكردنەوەی گفتوگۆكان لەگەڵ كوردی توركیا گرنگیەكی تایبەتی هەیە. بەڵام ئاماژە سەرەتاییەكان پێمان دەڵێن كە ئەكەپە سیاسەتی رووبەڕووبوونەوەی لاپەسەندە و ئازادییە تاكی و مەدەنییەكان كەم دەكاتەوە. ئەمەش باش نابێت.

لە درێژەی قسەكانیدا رەشات گوتی: سیاسەتی دەرەوەی توركیا پێویستی بە چاكسازی تەواو هەیە. لە رابردوودا سەركەوتنی توركیا پشتی بە توانایی ئەو وڵاتە بەستبوو بۆ قسەكردن لەگەڵ هەموو لایەنەكان و ناوەندێك بوو كە هەموو متمانەیان پێبوو. گرنگە كە سەركردەكانی تورك بگەڕێنەوە بۆ ئەو پێگەیەی كە لایەندار نەبن لەو ناكۆكییە گەورانەی لە ناوچەكەدا هەیە.

لە كۆتایی قسەكانیدا كەسابه گوتی: پێشبینی دەكەم پێوەندییە ئابوورییەكان بەردەوام بن. ئەم پێوەندییانە كاریگەری باشیان دەبێت لەسەر پێوەندییە فراوانەكانی تری توركیا لەگەڵ گرووپە كوردییەكانی تر و دەوڵەتانی دیكەش.



بۆ خوێندنەوەی ئەم بابەتە لە گۆڤاری گوڵان ژمارە(1051)