مەسعود بارزانی، سەرۆكی هەرێمی كوردستان لە ساڵیادی كۆچى دوایی دانیال میتران لە شاری هەولێر، گوتارێكی پێشكەشكرد و رایگەیاند هەمیشە بەچاوی دۆست و پشتیوان لە فەرەنسا دەڕوانن.


بارزانی لە وەسفی دانیال میتران، هاوژینی فرانسۆ میتران، سەرۆكی كۆچكردووی فەرەنسا، كە دۆستێكی نزیكی كورد بوو و بە "دایكی كورد" ناسرابوو، رایگەیاند كە دانیال یەكەم كەسی بیانی بووە بەچاوی خۆی بینبێتی فرمێسكی بۆ گەلی كورد رشتبێت.

سەرۆکی هەرێمی کوردستان گوتیشی " دانیال میتران دڵسۆزێکی بە ئەمەک و بە وەفای گەلی کورد بوو، بۆیە هەمیشە یادی بە زیندوویی رادەگرین".

بارزانی هەروەها رایگەیاند " هەمیشە بە چاوی دۆست و پشتیوانی گەلی کورد لە فەرەنسا دەڕوانین، فەرەنسا هاوکارێکی سەرەکی گەلی کوردستانە لە شەڕی داعش".