شه‌وی رابردوو چه‌كدارانی رێكخراوی تیرۆریستی‌ داعش به‌ سێ خۆكوژه‌وه‌ هێرشیانكرده‌ سه‌ر سه‌نگه‌ره‌كانی پێشمه‌رگه‌ له‌ سه‌ربازگه‌ی دۆمیز له‌ شه‌نگال و پێش ئه‌وه‌ی بگه‌نه‌ شوێنی مه‌به‌ست له‌لایه‌ن پێشمه‌رگه‌وه‌ كوژراون.

رائید جه‌مال به‌رواری، فه‌رمانده‌ی ھێزه‌كانی پێشمه‌رگه‌ی كوردستان له‌ شه‌نگال رایگه‌یاند: "شه‌وی رابردوو چه‌كدارانی داعش له‌ناو سه‌ربازگه‌ی دۆمیز له‌ شه‌نگال به‌ سێ خۆكوژه‌وه‌ ھێرشیانكرده‌ سه‌ر سه‌نگه‌ره‌كانی پێشمه‌رگه‌".

وتیشی: "ھێزه‌كانی پێشمه‌رگه‌ی كوردستان به‌تووندی رووبه‌ڕوویان بوونه‌ته‌وه‌ و پێش ئه‌وه‌ی بگه‌نه‌ شوێنی مه‌به‌ست كوشتوویانن".

ئاماژه‌ی به‌وه‌شكرد: "چه‌كدارێكی تری ئه‌و رێكخراوه‌ تیرۆریستییه‌ خۆی له‌ناو سه‌ربازگه‌ی دۆمیز حه‌شار دابوو، به‌ڵام دوای رووبه‌ڕووبوونه‌وه‌یه‌كی كه‌م ھێزه‌كانی پێشمه‌رگه‌ ئه‌ویشیان كوشت".

رائید جه‌مال به‌رواری ئه‌وه‌شی خسته‌ڕوو: "له‌و رووبه‌ڕووبوونه‌وه‌یه‌دا ھێزه‌كانی پێشمه‌رگه‌ی كوردستان ھیچ زیانێكی گیانیان به‌رنه‌كه‌وتووه‌ و ته‌نیا بریندارێك ھه‌یه‌ كه‌ ئه‌ویش جێگای‌ مه‌ترسی نییه‌".











خه‌ندان