فەرماندەیەكی ھێزی پێشمەرگە لەشنگال دەڵێت،شنگال بەتەواوەتی ئازادکراوە ولەئێستادا تیمە ئەندازیاریەکان کۆڵان بەکۆڵان سەرقاڵی پاککردنەوەی شنگالن لەمینی چێندراو.

فەرماندەی ھێزی پێشمەرگە لەشنگال عەمید ئاشتی کۆچەر رایگەیاند: لەئێستادا ھێزی پێشمەرگە بەتەواوەتی ١٠٠% ئەرکی خۆی جێبەجێکردووە وشنگال بەتەواوەتی ئازادکراوە وھیچ تیرۆرستێکی داعشی تێدا نەماوە وتیمە ئەندازیاریەکانیش سەرقاڵی پاککردنەوەی کۆڵانەکان لە بۆمبی چێندراو.

عەمید ئاشتی کۆچەر گوتیشی، ژمارەیەکی زۆری تیرۆرستانی داعش کوژراون ، کە لەھەموو میحوەرەکان زیاتر لە١٠٠تیرۆرستی داعش کوژراون و ژمارەیەک تەرمیشیان لەگۆرەپانی جەنگ بەجێماون.

كۆچەر روونیشیكردەوە، لەئێستادا ئەرکی خۆیان جێ بەجێ کردووە وچاوەرێی فەرمان دەکەن بۆ جێ بەجێ کردنی ھەر ئەرکێکی دیکە،چونکە ئەرکی گرنگی ئەوان رزگارکردنی شنگال بوو.