فەرماندەیەکی ھێزەکانی پێشمەرگەی کوردستان رایدەگەیەنێت، کە زیاتر لە 700 چەکداری رێکراوی دەوڵەتی ئیسلامی (داعش) لەنێو قەزای شنگال کوژراون.



عەزەدین سەیدۆ، فەرماندەیەکی پێشمەرگە لە چیای شنگال، بە کەناڵی K24ـی رایگەیاندووە، کە لە ماوەی 11 مانگی ئەمساڵەوە، زیاتر 700 چەکداری داعش لەنێو قەزای شنگال کوژراون و سەدان چەکداریش برینداربوون.



بەپێی گوتەکانی ئەو فەرماندەیەی پێشمەرگە، هەر لەو ماوەیەدا، 40 پێشمەرگە شەھیدبوون، ئاشکراشی کرد کە رۆژ دوای رۆژ ورەی چەکدارانی داعش لاواز دەبێت.



بەپێی سەرچاوەکانی هەواڵیی ئەو کەناڵە، رزگارکردنەوەی شنگال لە دواساتەکانی نزیک بووەتەوە و لە کاتژمێری سفردایە و ژمارەیەکی زۆری دانیشتووانی قەزاکە، بەھۆی نزیکبوونەوە لە ئازادیی شارەکەیان، ھاتوونەتە شاخی شنگال و چرکە بە چرکە چاوەڕوانی ئازادی دەکەن.













باسنیوز