- ماوەی دوو رۆژە شەپۆلێكی بارانبارین هەرێمی كوردستانی گرتووەتەوە، لە شارۆچكەكانی دەڤەری سۆرانیش لەگەڵ بارینی باراندا، لە هەندێك ناوچە بەفر باریوە و تا ئێستایش بەردەوامە.

(محەممەد مێرگەسووری) بۆ ماڵپەڕی فەرمیی پارتیی دیموكراتی كوردستان گوتی: "لە 24 سەعاتی رابردوودا لە دەڤەری مێرگەسوور، 31 ملم باران باران باریوە، كۆی گشتیی بارانبارینی ئەمساڵیش گەییشتووەتە 243.8 ملم، كەچی لە ساڵی رابردوودا تا ئەم كاتە 364 ملم باران و 4 سم بەفر باریبوو".

هاوكات سەرچاوەیەك لە بەڕێوەبەرایەتیی كشتوكاڵی چۆمان، بۆ ماڵپەڕی فەرمیی پارتی دیموكراتی كوردستان گوتی: "لە شەوی رابردووەوە تا ئێستا لە ناوچە جیاجیاكانی سنووری چۆمان بەفر دەبارێت، بە تایبەتی لە شارەدێی حاجی ئۆمەران، تا ئێستایش بەفربارین بەردەوامە".