وهزیری دهرهوهی توركیا پرۆسهی ئاشتی لهگهڵ سەرۆكی ھەرێمی كوردستان تاووتوێ دهكا
فهریدون سنێرلی ئۆغلۆ، وهزیری دهرهوهی توركیا، لە چوارچێوەی سەردانەكەیدا بۆ ههرێمی كوردستان، لهگهڵ مهسعوود بارزانی، سەرۆكی ھەرێمی كوردستان كۆبوونەوە.
بە پێی ئەو زانیاریانەی دەست پەیامنێری (K24) كەوتوون، له سهردانهكهی ئهمڕۆ چوارشهممه (4.11.2015)ی وهزیری دهرهوهی توركیا بۆ پیرمام، باسیان له پەیوەندییە ئابوورییەكانی نێوان ھەردوولا، بەرێوەچوون و ئهنجامی ھەڵبژاردنی توركیا و پرۆسەی ئاشتییان لهو وڵاته تاووتوێ كردووه.
سنێرلی ئۆغلۆ دوێنێ سێشهممه، بەسەردانێك لە رێگەی فرۆكەخانەی ھەولێری نێودهوڵهتی، گەیشتە ھەرێمی كوردستان و ههر شهو لهگهڵ نێچیرڤان بارزانی، سەرۆكی حكوومهتی ههرێمی كوردستان كۆبوەوە. ئهمهش یهكهم سهردانی وهزیری دهرهوهی توركیایه لهپاش ئهنجامی ههڵبژاردنی ئهو وڵاته كه تێیدا ئاكپارتی توانی دهنگی پێویست بهدهستبهێنێت بۆ ئهوهی بهتهنیا حكوومهت دامهزرێنێ.
