نیوەڕۆی ئەمڕۆ پێنجشەممە لەپارێزگای سلێمانی لە مزگەوتی شێخ قادری چوێسە مەراسیمی یەکەم رۆژی پرسەی خوالێخۆشبوو حەمایل خانی هاوسەری خوالێخۆش بوو مەلا مستەفا بارزانی و دایکی مەسعود بارزانی سەرۆکی کوردستان بەڕێوەچوو.



پرسە کات ژمێر 1ی پاش نیوەڕۆ بە ئامادەبوونی شێخ ئەدهەم بارزانی و ژمارەیەک لە ئەندامانی مەکتەبی سیاسی و سەرکردایەتی پارتی دیموکراتی کوردستان بەڕێوەچوو ژمارەیەک لە کەسایەتی سیاسی و بەرپرسانی حکومەتی و حزبی بەشداری پرسەکە بوون لەوانە نەوشیروان مستەفا سەرۆکی بزوتنەوەی گۆران، قادر عەزیز سەرۆکی حزبی زەحمەت کێشانی سەربەخۆ، ژمارەیەک لە ئەندامانی مەکتەبی سیاسی یەکێتی نیشتیمانی کوردستان، پارێزگاری سلێمانی و نوێنەری حزب و لایەنە سیاسییەکانی کوردستان، هەروەها سەرۆک خێڵەکانی سنووری پارێزگای سلێمانی و هاوڵاتیانی شاری سلێمانی.