Li gorî çavkaniyên nûçeyan evro li çend Deverên curbicur yên Îraqê de çendîn teqîn û êrîşên çekdarî pêk hatine û di encama wan êrîş û teqînan de herî kêm 40 welatî bûne qurbanî.

Li gorî çavkaniyên tendirostî evro di naverasta Bajarê Bexdayê de maşîneke bombekirî hatiye teqandin û di encam de 4 welatî canê xwe ji dest dane û 12 welatiyên din jî birîndar bûne.

Her evro li Rojhilatê Bexdayê de jî bombeyeke din hatiye teqandin û di encam de 2 welatî canê xwe ji dest dane û 10 welatiyên din jî birîndar bûne.

Her evro bombeyeke din li naverasta Bexdayê de hatiye teqandin û di encam de 4 welatiyên din canê xwe ji dest dane.

Li Parêzgeha Enbarê de jî hijmareke Çekdarên nenas êrîş kirine ser hêzên pasewanên Sînur yên Îraqê û di encam de du leşker hatine kuştin.