Duh (Înê.24.05.2013) Navenda Çapemeniya Hêzên Parastina Gel (HPG`ê) daxuyaniyeke nivîskî belav kir ku kopiyek ji wê bo Malpera Xendan şand, ligor daxuyaniyê topxaneyên Artêşa Turkiye bi Obîs û Hawanan herêma Zagros`ê topbaran kirine û gerîllayên Hêzên Parastina Gel (HPG`ê) jî bi heman rengî bersiv dane wan.

Navenda Çapemeniya Hêzên Parastina Gel (HPG`ê) di daxuyaniyê de aşkere kiriye ku, topxaneyên Artêşa Turkiye bi Hawan û Obîsan girê Şehîd Rehîme li herêma Zagros`ê topbaran kiriye.

Piştî topbaranên topxaneyên Artêşa Turkiye bo ser herêmên parastina mîdya Hêzên Parastina Gel (HPG`ê) jî bi heman awayî bersiva Artêşa Turkiye dane.

Hêjayî gotinê ye ku tevî ragihandina agirbestê ji aliyê PKK`ê ve lê hêrişên Artêşa Turkiye berdewam in ku çendîn caran balafir û topxaneyên Turkiye bûrddumana deverên parastina mîdya kirine.

Xendan