Duh 6/5/2013`an, li Eşrefiyê di encama çalakiya şervanên Lîwaya (Cebhet El-Elekrad) de pevçûn rû dan. Di encama pevçûnan de 15 leşker û alîgirên rejîma Sûriyê hatin kuştin.

Her weha hatiye ragihandin ku, gelek avahiyên ku di destê alîgirê rêjîma Ba`sê de bûn ji aliyê lîwaya (Cebhet El-Ekrad) ve ku hêzekî Kurdin hatin desteser kirin.

Berdevkê fermî yê Lîwaya (Cebhet El-Ekrad) Selah Cibo ji ajansa Hawarê ya nûçeyan ANHA’yê re ragihandiye ku, şervanên wan li Taxa Eşrefiyê ya Helebê çalakî li dijî leşkerên rêjîma Ba`sê û alîgirên rejîmê li dar xistine.

Di encama çalakiyê de pevçûn derketiye. Cibo, da zanîn ku di pevçûnên wê êvarê de 15 leşkerên rejîmê û alîgirên wan hatine kuştin. Her wiha gelek avahiyên ku rêjîm tê de bicih dibû li nêzî çerxeriya yekem a Eşrefiyê desteser kirine.

Xendan