Piştî daxwaza Serokê Parlementoya Îraqê Osame Nocifî bo hilweşandina Parlemen û Hikûmeta Îraqê û saz kirina hilbijartinên pêşwext, evro îêtilafa dewleta qanûnê ragihand ku, hilweşandina parlementoya Îraqê kareke nerast û li dijî qanûnê ye.

Ji aliyeke din ve jî Serokê komisyona serbixwe ya hilbijartinên Îraqê Serbest Mistefa ragihand ku, saz kirina hilbijartinên pêşwext pêdeviya xwe bi herî kêm 6 Mehan heye.

Her di vê derbarê de endameke dewleta qanûnê eşkere kiriye ku, ev daxwaza han ya Serokê Parlementoyê Îraqê hewldaneke bo aloztir kirina qirîza siyasî ya Îraqê jiber ku, Serokê Parlementoyê bo xwe jî dizane ev daxwaza han bi wateya binpê kirina destûra bingehîn ya Îraqê ye.