Parlamentera BDP’ê ya Êlihê Ayla Akat. Xwest Qanûna Têkoşîna Li Dijî Terorê ku meş, xwepêşandan û çalakiyan qedexe dike û weke tawan nîşan dide ji holê rabe. Akat, ji bo vê yekê pirojeyasayek da Parliyamentoyê.


Parlamentera BDP’ê Ayla Akat, got li welatekî yasayî pêwîstî bi Yasayê Têkoşîna Li Dijî Terorê tune ye û bal kişand di van qanûnan de gelek mafên hiqûqî jî weke “tawana terorê” tên dîtin. Akat destnîşan kir ev zagon maf û azadiyan asteng dike û li pêşiya siyaseteke demokratîk jî asteng e. Ayla Akat, bi bîr xist ji ber vê zagona xala 220 û 314’an gelek zarokên Kurd bi salan di girtîgehan de mane û hê jî ev zarok têne darizandin.

Wekî din Akat, di pêşniyarnameyê de ev tişt gotin: “Ji ber van yasayan çalakiyeke ji rêzê, xwepêşandan, meş, berzkirina dirûşman weke sûc tê dîtin û kesên ku tevli van çalakiyan dibin bi cezayên giran re rû bi rû dimînin. Heta niha gelek zarok ji ber van qanûnan di navbera 7 sal û 15 salan de seza xwarine.”

Ayla Akat, bal kişand dayika bi navê Elfo ku 79 salî ye ji ber van yasayan di Girtîgeha Êlihê de ye û di pêşniyarqanûnê de xwest roja kesên extiyar ên di girtîgehê de weke 4 roj bêne hisabkirin û ev kes demildest serbest bêne berdan. Akat, da zanîn li girtîgehên Turkiyeyê gelek piremêr û pîrejin hene û ji bo serbestberdana van kean sererastkirina qanûnan xwest.