Nêçîrvan Barzanî: Kurdistanê Pêşwaziya Kompaniyên Almanî Dike
Di hevdîtineke de peyvendiyên heyî yên di navbera Kurdistan û Almaniyayê û herwiha çawetiya bihêztir û berfiretir kirina peyvendiyên han hate nîqaşkirin û her du alî tekez li ser bihêztir û berfiretir kirina peyvendiyên han kir.
Di berdewamiya vê civîna han de serdana Serokwezîrê Hikûmeta Kurdistanê bo Almaniya û civînên vî yên bi Rayedarên vê welatî re û herwiha serdana Nêçîrvan Barzanî bo welatên din yên Ewrûpayê hate nirxandin û Konsulusê Almaniyayê ev serdana han bi girîng wesif kir û hêvî xwest ku, ev serdana han bibe sedema destpê kirina qonaxeke nû bo peyvendiyên heyî yên di navbera Almaniya û Kurdistanê de.
Di dirêjahiya vê civîna han de her du alî behsa peyvendiyên heyî yên di navbera Hewlêrê û Bexdayê de û herwiha rewşa Îraqê jî nirxandin û pişt re jî behsa peyvendiyên navbera Kurdistan û welatên Deverê de jî hatin nîqaşkirin.
Di dawiya vê hevdîtina han de Serokwezîrê Hikûmeta Kurdistanê eşkere kir ku, Hikûmeta Kurdistanê amdeye bi her awayî piştgîrî û hevkariya kompaniyên Almanî yên ku, dixwazin li Kurdistanê de kar bikin bike.
